Il-Prim Ministru ta’ Malta huwa il-kap tal-Gvern kif ukoll ministru b’responsabbiltajiet għal materji strateġiċi bħalma huma, fost oħrajn, is-Servizz Pubbliku, id-difiża, aspetti li jolqtu l-Unjoni Ewropea fosthom l-immaniġġjar tal-fondi ta' qabel is-sħubija u dawk strutturali.

Ħafna minn dawn ir-responsabbiltajiet ministerjali huma amministrati permezz ta’ l-Uffiċċju tal-Prim Ministru, aktar magħruf bħala l-UPM, jew sempliċement “Kastilja”. Il-missjoni ta’ l-UPM hi li tgħin lill-Prim Ministru fl-isforz tiegħu biex jipprovdi tmexxija u direzzjoni għal Gvern stabbli u effettiv.

L-UPM hu l-pern u ċ-ċentru tal-Gvern. Għandu sehem ċentrali fil-proċess li jwassal għad-deċiżjonijiet governattivi waqt li huwa wkoll iċ-ċentru amministrattiv tal-Gvern.

Id-dipartimenti u l-uffiċċji li jiffurmaw l-UPM inbidlu mhux ħażin matul iż-żmien. Madankollu, hemm nukleu stabbli magħmul, fost oħrajn, mis-Segretarjat tal-Kabinett, mill-Management and Personnel Office (li sa' l-1990 kien magħruf bħala l-Establishments Division) u mid-Dipartiment ta’ l-Informazzjoni. Bħalissa hemm madwar 300 membru ta’ l-istaff fl-Uffiċċju tal-Prim Ministru.  Ma dawn wieħed irid iżid 1,500 membru ta' l-AFM li wkoll jagħmlu parti mil-portfolio ta' l-UPM.

Jekk jogħġbok agħfas hawn biex tara r-Rapport Annwali tad-Dipartimenti taħt l-OPM għas-sena 2006.

Tista’ tara tabella organizzattiva li turi d-dipartimenti u l-entitajiet kollha li jiffurmaw parti mill-Uffiċċju tal-Prim Ministru inkella għandhom x’jaqsmu miegħu, u li turi wkoll ir-relazzjoni ta’ bejniethom.

Ikklikkja hawn biex tara tabella organizzattiva ta’ l-OPM.

Ir-Rapport Annwali u t-tabella organizzattiva huma dokumenti bil-portable document format (pdf) li għalihom ikollok bżonn is-software Adobe Acrobat Reader. Ħafna kompjuters huma mgħammra b’dan is-software u jiftħu dokument pdf awtomatikament. Jekk m’għandekx dan is-software, ikklikkja fuq l-istampa t’hawn taħt biex tniżżlu bla ebda ħlas.