Il-Forzi Armati ta’ Malta (AFM) hija armata tad-daqs ta' Brigata magħmula minn tliet komponenti ta' l-art (3 Reġimenti), Skwadra Marittima u Taqsima ta' l-Ajru.

Hija responsabbli sabiex:

• tiddefendi l-integrita` tal-Gżejjer Maltin fuq l-art, il-baħar u fl-ajru;

• tipprovdi sigurta` ma' lokazzjonijiet sensittivi;

• tipprovdi servizz ta' tfittxija u salvataġġ fir-reġjun li minnu hi responsabbli Malta;

• tinforza l-liġi fuq il-baħar;

• tipprovdi servizz ta' Explosive Ordnance Disposal (EOD) u Improvised Explosive Device Disposal (IEDD);

• tipprovdi assistenza lil dipartimenti Governattivi oħra u f'każijiet ta' emerġenzi ċivili (eż għargħar, tniġġiż fil-baħar, splużjonijiet u diżastri ta' l-ajru); u

• tipprovdi doveri li jirrigwardaw iċ-ċeremonjal ta' l-iStat.

Il-Forzi Armati ta’ Malta hi marbuta sabiex tikkontribbwixxi għall-paċi u l-istabbilita` internazzjonali billi tipparteċipa f'operazzjonijiet ta' Crisis Management immexxija mill-EU.

 Aktar taghrif jista’ jinstab fil-website tal-Forzi Armati ta' Malta.