IIl-missjoni tad-Direttorat għall-Awditjar Intern u l-Investigazzjoni hija li jipprovdi servizz ċentralizzat, funzjonalment indipendenti, kompetenti u professjonali fl-analiżi, konsulenza u investigar lil-Gvern. Dan sabiex ikun jista’ jagħti servizz lil-Gvern permezz li jeżamina, jevalwa, jispezzjona, jiskrutinizza u jirrakomanda fuq l-attivitajiet tal-Gvern.

L-oġġettiv primarju tad-Direttorat għall-Awditjar Intern u l-Investigazzjoni huwa li jassisti lis-Segretarji Permanenti fil-qadi effiċjenti ta’ dmirijiethom. Id-Direttorat għall-Awditjar Intern u l-Investigazzjoni jissuplixxi lis-Segretarji Permanenti b’analiżi, rakkommandazzjonijiet, pariri u informazzjoni li jirrigwardjaw attivitajiet eżaminati u/jew investigati.

Id-Direttorat għall-Awditjar Intern u l-Investigazzjoni huwa indipendenti mill-attivitajiet li jawditja sabiex tiġi assigurata opinjoni oġġettiva li hija essenzjali għal-funzjoni ta’ l-istess Direttorat u fl-għoti ta’ pariri imparzjali lil-Gvern. L-ebda membru tad-Direttorat għall-Awditjar Intern u l-Investigazzjoni ma jista` jkollu awtorita` jew responsabbilita` fuq l-attivitajiet eżaminati. L-involviment tad-Direttorat fl-iżvilupp jew implimentazzjoni ta’ strateġiji, sistemi u prattiċi dipartimentali għandu jkun biss f’kapaċita` konsultattiva, b’konformita’ ma’ rakkomandazzjonijiet tad-Direttorat stess, kemm mgħamulin fil-passat u kemm fil-preżent.

Il-funzjonijiet tad-Direttorat għall-Awditjar Intern u l-Investigazzjoni jikkonsisti f’dawn li ġejjin:

• Awditjar Intern
• Investigazzjonijiet finanzjarji u attivitajiet oħra relatati mal-Uffiċċju ta’ Kontra l-Frodi tal-   Unjoni Ewropeja
• Awditjar ta’ fondi tal-Unjoni Ewropeja u Strumenti Bilaterali oħra
• Kontroll Intern.

Aktar tagħrif jinstab fil-website tad-Direttorat tal-Awditjar Intern u Investigazzjonijiet.