Is-Central Information Management Unit (CIMU) twaqqaf fi Frar ta’ l-1999 bil-għan li jservi ta’ xprun fl-applikazzjoni tat-teknoloġija ta’ l-informazzjoni u l-kommunikazzjoni (ICT) fost l-impjegati tas-Servizz Pubbliku, u biex jattwa policies u standards li għandhom x’jaqsmu mat-teknologija li tkun applikata. Is-CIMU żviluppa l-portal tal-Gvern ta’ Malta (www.gov.mt) u l-Intranet għas-Servizz Pubbliku.

B’riżultat ta’ ħarsa mill-ġdid lejn il-politika dwar l-informatika, ġie deċiż li s-CIMU jingħalaq fit-30 ta’ Settembru 2005. It-tfassil ta’ strateġija ġenerali għall-ICT fil-firxa kollha tas-settur pubbliku issa sar responsabbilta’ tal-Ministeru għall-Investiment, Industrija u Teknoloġija ta’ l-Informazzjoni mentri l-Malta Information Technology and Training Services Ltd assumiet responsabbilta’ għall-istandards u policies tekniċi u għall-applikazzjonijiet ta’ l-ICT fuq livell korporattiv. Il-portal tal-Gvern u l-Intranet qed jitmexxew mid-Dipartiment ta’ l-Informazzjoni.