Id-Dipartiment ta’ l-Informazzjoni (DOI) għandu l-għan li jipprovdi lill-pubbliku informazzjoni aġġornata u komprensiva dwar policies, servizzi u attivitajiet tal-Gvern, kif ukoll dwar affarijiet li huma ta’ interess pubbliku. Id-Dipartiment iħaddan dawn it-taqsimiet:

• IĊ-Ċentru ta’ Komunikazzjoni jħaddem is-servizz ta’ informazzjoni għall-pubbliku, il-Freephone 153; joħroġ stqarrijiet għall-istampa; u jipprovdi ritratti u materjal ieħor għall-istampa.

• Il-Publishing Unit hi responsabbli mill-pubblikazzjonijiet, fosthom il-Gazzetta tal-Gvern u “Pajjiżna”. Tipprovdi wkoll ġabriet ta’ aħbarijiet fil-qosor lill-missjonijiet diplomatiċi Maltin barra minn Malta u tieħu ħsieb il-website tad-DOI.

• Is-Sales Office jaħżen u jbigħ kopji ta’ għadd kbir ta’ ritratti kif ukoll kopji tal-pubblikazzjonijiet uffiċjali tal-Gvern.

• Is-Servizz Fotografiku tad-Dipartiment jipprovdi coverage wiesa’ ta’ attivitajiet governattivi kif ukoll ta’ avvenimenti nazzjonali. Illum isir użu mill-fotografija diġitali biex ir-ritratti jitwasslu ghand il-media b’aktar ħeffa.

Aktar taghrif jinstab fil-website tad-Dipartiment ta' l-Informazzjoni.