Id-Direttorat għall-Affarijiet ta’ l-Unjoni Ewropea fi ħdan id-Diviżjoni għall-Ko-ordinazzjoni ta’ l-Ippjanar u l-Prijoritajiet huwa responsabbli li jimmaniġġja l-parteċipazzjoni tal-Uffiċċju tal-Prim Ministru fl-istrutturi u l-proċessi tal-Unjoni Ewropea, kif ukoll li jiżgura ko-ordinazzjoni effettiva ta’ dak kollu li għandu x’jaqsam mal-Unjoni Ewropea fuq livell domestiku u ma’ kull min huwa involut f’dak li għandu x’jaqsam ma’ l-Unjoni Ewropea, inkużi Ministeri oħrajn, ir-Rappreżentanza Permanenti ta’ Malta għall-Unjoni Ewropea u s-Segretarjat għall-Unjoni Ewropea fi ħdan l-Uffiċċju tal-Prim Ministru.

Id-Direttorat jiżgura wkoll il-ko-ordinazzjoni ġenerali tal-proġetti ffinanzjati mill-Unjoni Ewropea li jiġu mnedija mid-Dipartimenti u mill-entitajiet li jaqgħu taħt ir-responsabbilta` tal-Uffiċċju tal-Prim Ministru, waqt li jiffaċilita t-tlestija b’suċċess u fil-ħin ta’ dawn il-proġetti.

Id-Direttur (Affarijiet ta’ l-Unjoni Ewropea) ukoll jirrappreżenta lill-Uffiċċju tal-Prim Ministru f’diversi kumitati li għandhom x’jaqsmu ma’ l-Unjoni Ewropea kemm lokalment kif ukoll barra minn Malta.