It-tagħrif fuq il-website ta’ l-OPM jaqbel ma’ linji gwida mfassla biex iħaffu in-navigazzjoni.

It-tagħrif li ġej jgħinkom biex tifhmu l-istandards li użajna f’dan is-sit, kif ukoll kif tittrattaw ċertu tipi ta’ files.

Navigazzjoni
Speċifikazzjoni tas-sit
Kompatibilità mal-browsers
Ipprintjar ta’ paġni
Bookmarking ta’ paġni
Tfittxija
Għoti ta’ feedback
Issejvjar ġol-PC tiegħek
File formats
Ittri Maltin

Navigazzjoni
Kull paġna ta’ dan is-sit għandha sezzjoni tan-navigazzjoni fuq il-ġenb tax-xellug ta’ l-iskrin. Ma jintużawx frames għax dawn huma għodod żejda li aktar jistgħu jfixklu milli jgħinu. Kull link fiha deskrizzjoni li tindikalek fejn twassal. Din id-deskrizzjoni tidher meta wieħed iqiegħed il-pointer fuq il-link.

Speċifikazzjoni tas-sit
Il-website ta’ l-OPM ġiet iddisinjata b’mod li tkun tista’ tintuża b’faċilità. Is-sit inħadem fuq bażi ta' monitor b’reżoluzzjoni SVGA (800 x 600) li juża 256 kulur, izda faċli jintuża bi speċifikazzjoni aktar baxxa minn din.

Kompatibilità tal-browsers
Il-website ta’ l-OPM ġiet ittestjata fuq numru ta’ browsers fuq il-parti l-kbira ta’ computer operating systems eżistenti. Is-sit ta’ l-OPM juża l-Cascading Style Sheets (CSS) biex jifformattja t-tagħrif testwali f’kull paġna. L-ifformattjar CSS jiftiehem biss minn browsers minn verżjoni 4 ’l fuq.

Ipprintjar ta’ paġni
Wieħed jista’ jipprintja kwalunkwe paġna mis-sit billi mill-menu option fil-Microsoft Internet Explorer jew Netscape jagħżel File u mbagħad Print.

Bookmarking ta’ paġni
Wieħed jista’ jimmarka paġna partikulari b’bookmark billi mill-menu option fil-Microsoft Internet Explorer (IE) jagħżel Favorites, imbagħad Add to Favorites, jew inkella billi min-Netscape jagħżel Bookmarks, imbagħad Add Bookmarks.

Tfittxija
Biex wieħed jagħmel tfittxija irid jikteb kelma jew ġabra ta’ kelmiet fl-ispazju l-abjad fil-kaxxa "Fittex". Meta jagħfas ir-return key jew il-"go" link jingħata lista ta’ dokumenti li jikkorrispondu mal-kelmiet miktuba. Id-dokumenti misjuba jkunu ggradati, id-dokumenti li l-aktar jikkorrispondu jkunu fuq, waqt li aktar ma jinżel ’l isfel fil-lista wieħed isib dokumenti li jkunu dejjem anqas relevanti.

Għoti ta’ feedback
Is-sit ta’ l-OPM jipprovdi formola biex jagħti ċans lil min jużah jagħmel il-kummenti tiegħu fuq il-website stess jew fuq is-servizz offrut minn kwalunkwe dipartiment jew uffiċċju fl-OPM. Meta jkun mela l-formola wieħed irid jikklikkja fuq il-buttuna "Ibgħat" fil-qiegħ tal-paġna. Malli jagħmel dan, l-informazzjoni tmur għand il-Customer Care Coordinator ta’ l-OPM.

Issejvjar ta’ paġni
Wieħed jista’ jissejvja kwalunkwe paġna li tidher fis-sit għal ġol-local drive tiegħu. Mill-menu option fil-Microsoft IE u Netscape wieħed irid jagħżel File, imbagħad Save.

File formats
Xi files f’dan is-sit qegħdin fil-forma ta' PDF (portable document format) mhux HTML jew ASP. Biex ikun jista’ jaqra dawn il-files wieħed għandu bżonn l-Adobe Acrobat Reader. Il-biċċa l-kbira tal-kompjuters fihom dan is-software, li jinfetah awtomatikament jekk wieħed jikklikkja fuq link ma' dokument PDF. Madankollu, il-paġni f'dan is-sit li fihom dokumenti PDF jinkludu wkoll link minn fejn wieħed jista' jniżżel is-software.

Ittri Maltin
Kliem bil-Malti fil-verżjoni bl-Ingliż ta’ din il-website mhumiex miktuba bl-ittri Maltin (ċ, ġ, ħ, ż) biex min juża s-sit ma jkollux problemi ta’ inkompatibilità. Fil-paġni bil-Malti, l-ittri Maltin qed jinkitbu bis-sistema Unicode. Il-Unicode hu font standard ġdid internazzjonali li hu bbażat fuq fonts eżistenti, imma li għandu firxa usa’ ta’ ittri (inklużi l-ittri Maltin). Kompjuters ġodda u riċenti ġeneralment ikun fihom fonts Unicode u għalhekk awtomatikament juru l-ittri Maltin kif suppost. Jekk il-kompjuter tiegħek ma fihx fonts Unicode, tista’ tniżżel programm li jissapportja l-lingwa Maltija mis-sit tal-Malta Information Technology and Training Services Ltd. Dan is-software fih xi fonts Unicode.