L-Information Management Unit (IMU) jitmexxa miċ-Chief Information Officer, li jirrapporta għand is-Segretarju Permanenti, OPM. L-Information Management Unit jimmaniġġja l-proġetti kollha li huma relatati ma’ sistemi ta’ nformazzjoni u mat-teknoloġija ta’ l-informatika (IT) fi ħdan l-OPM.

L-IMU jagħti pariri dwar infiq u kuntratti fil-qasam ta’ l-IT u għandu r-risponsabbiltà li jiżviluppa direzzjoni strateġika għall-isfruttar ta’ l-IT fid-dawl ta’ l-għanijiet u l-missjoni ta’ l-Uffiċċju tal-Prim Ministru.

L-IMU għandu r-risponsabbiltà li jxerred u jinforza fl-OPM il-policies, l-istandards u l-proċeduri kollha ta' l-IT stabbiliti għas-Servizz Pubbliku.

Barra minn hekk, l-IMU hu wkoll risponsabbli mill-information security fl-OPM. Għalhekk l-Information Management Officer għandu wkoll ir-rwol ta’ Information Security Officer.