Ir-rwol ta' l-Employee Relations Department fi ħdan il-Management and Personnel Office hu li jfassal, iniedi u jissorvelja policies li jtejbu l-kundizzjonijiet tas-servizz bil-għan li jitrawwem livell għoli ta’ motivazzjoni, produttività u dixxiplina fis-Servizz Pubbliku. Dawn il-kundizzjonijiet tas-servizz jinkludu policies li joffru benefiċċji lil uffiċjali pubbliċi u jistabbilixxu mezzi ta’ kontroll li permezz tagħhom tkun issorveljata t-tgawdija ta’ dawn il-benefiċċji f’ambjent deċentralizzat.

Id-Dipartiment iservi ta’ għodda biex iseħħ il-gender mainstreaming u biex jitħarsu is-saħħa u s-sigurtà fuq il-post tax-xogħol fis-Servizz Pubbliku.

Sabiex tinħoloq kultura ta’ integrità u eċċellenza, id-Dipartiment ifassal ukoll linji gwida għall-uffiċjali pubbliċi dwar l-etika u l-imġieba.

Tista' ssib iżjed informazzjoni dwar l-Employee Relations Department hawnekk.