Id-Dipartiment tar-Resourcing fi ħdan il-Management and Personnel Office għandu r-responsabbiltà għall-mili tal-karigi fis-Servizz Pubbliku. Hu direttament responsabbli mir-reklutaġġ u mill-għoti ta’ promozzjonijiet fil-gradi tas-Servizz Ġenerali (gradi klerikali, eżekuttivi u ta’ middle/upper management li huma komuni għall-ministeri u d-dipartimenti kollha), kif ukoll mit-tqassim ta’ dawn l-uffiċjali fil-ministeri u d-dipartimenti.

Id-Dipartiment tar-Resourcing jipprovdi għajnuna u jagħti parir lill-ministeri u d-dipartimenti f’dak li għandu x’jaqsam ma' ħatriet fi gradi dipartimentali, tekniċi u professjonali, skond Classification Agreements milħuqa mal-Unions, kif ukoll f'pożizzjonijiet regolati b'kuntratt definit skond ir-regolamenti u l-policies tal-Kummissjoni dwar is-Servizz Pubbliku. Barra minn hekk, iżomm taħt għajnejh in-numru ta’ impjegati fil-ministeri u d-dipartimenti biex jiżgura li dan in-numru jirrifletti l-ħtiġiet attwali u ma jkunx hemm impjegati aktar mill-meħtieġ.

Id-Dipartiment għandu rwol ċentrali fl-implimentazzjoni ta’ proċeduri ta’ ingaġġ u ta’ promozzjonijiet skond ir-regolamenti tal-Kummissjoni dwar is-Servizz Pubbliku.

Ir-responsabbilitajiet ta’ dan id-Dipartiment huma anki estiżi għall-ingaġġ u re-deployment fi ħdan is-Settur Pubbliku kif stipulat fiċ-Ċirkulari ta’ l-MPO Nru.14/2005 li tistabbilixxi t-twaqqif tar-Re-deployment and Recruitment Advisory Group (RRAG), li ċ-Chairman tiegħu huwa s-Segretarju Permanenti Ewlieni. L-RRAG jinkludi l-Financial Management and Monitoring Unit (FMMU) fi ħdan il-Ministeru tal-Finanzi.

Agħfas hawn għal aktar informazzjoni dwar id-Dipartiment tar-Resourcing.