Il-Midalja għall-Qlubija u l-Midalja għall-Qadi tar-Repubblika jistgħu jingħataw mill-President fuq il-parir bil-miktub tal-Prim Ministru.

Il-Midalja għall-Qlubija

Il-Midalja għall-Qlubija tista’ tingħata lil ċittadini Maltin għal xi għemil ta’ qlubija eċċezzjonali. Tista’ tingħata wkoll wara l-mewt.

Dawk il-persuni li jingħataw il-Midalja għall-Qlubija huma intitolati li jġibu l-ittri M.R.Q. (Midalja tar-Repubblika għall-Qlubija) wara isimhom.

Il-Midalja għall-Qadi tar-Repubblika

Il-Midalji għall-Qadi tar-Repubblika tista’ tingħata lil ċittadini Maltin għal servizz distint lil pajjiżhom. L-għadd ta’ Midalji għall-Qadi tar-Repubblika li jistgħu jinżammu fl-istess żmien ikun mhux aktar minn mija, u m’għandhomx isiru aktar minn għaxar għotjiet f’sena lil ċittadini Maltin. Il-Midalja tista’ tingħata fuq bażi onorarja lil kull ċittadin ta’ pajjiż barra minn Malta li lilu huwa mixtieq li jingħata ġieħ. Biex jiġi stabbilit in-numru ta’ għotjiet ma jiġix ikkunsidrat jekk tkun saret xi għotja fuq bażi onorarja.

Dawk il-persuni li jingħataw il-Midalja għall-Qadi tar-Repubblika huma ntitolati li jġibu l-ittri M.Q.R. wara isimhom.

• Persuni li ngħataw il-Midalja għall-Qlubija u l-Midalja għall-Qadi tar-Repubblika