Id-Direttorat għall-Operat u l-Implimentazzjoni ta' Programmi, li twaqqaf f'Ottubru ta' l-2004, jinkorpora l-iSpecial Projects Unit, u l-Boards, Committees and Customer Care Unit. Barra minn hekk, id-Direttorat

• jimmaniġġja funzjonijiet speċifiċi u proġetti;

• iwettaq il-funzjonijiet ta' mplimentazzjoni ta' programmi u customer care fi ħdan l-OPM;

• jikko-ordina l-proġetti ffinanzjati mill-Fondi Strutturali 2007-2013 ta' l-Unjoni Ewropea li jiġu mnedija mid-dipartimenti u mill-entitajiet li jaqgħu taħt ir-responsabbilta` ta' l-Uffiċċju tal-Prim Ministru u jiffaċilita t-tlestija b'suċċess u fil-ħin ta' dawn il-proġetti; u

• jieħu ħsieb ukoll jaġġorna l-website ta' l-OPM.

Waħda mill-funzjonijiet ewlenin tad-Direttorat għall-Operat u l-Implimentazzjoni ta' Programmi hi li jieħu ħsieb proġett ta' Protezzjoni tad-Data fis-Servizz Pubbliku. Dan jinvolvi l-għoti ta' pariri u assistenza lid-dipartimenti tal-Gvern biex jiżgura li huma jimxu skond il-kundizzjonijiet mitluba mill-Att dwar il-Protezzjoni u l-Privatezza tad-Data.