L-Uffiċċju tal-Prim Ministru (OPM) u d-dipartimenti tiegħu joffru tliet tipi ta’ servizzi elettroniċi:

• informazzjoni ġenerali online (servizz importanti fih innifsu)

• informazzjoni online dwar servizzi speċifiċi ta’ l-OPM li jitwasslu lill-pubbliku b’mezzi konvenzjonali, imma li fihom wieħed għadu ma jistax jinqeda b’mod elettroniku

• servizzi interattivi (fejn il-klijent jista’ jikseb informazzjoni li tolqot speċifikament lilu) u servizzi li fihom il-klijent jinqeda mill-bidu sa l-aħħar permezz ta’ l-Internet.

Din il-paġna tagħti lista tas-servizzi li wieħed jista’ jsib f’kull kategorija.

Tagħrif ġenerali fuq l-Internet

• Il-website ewlenija tal-Gvern ta' Malta: din il-website, li hi r-risponsabbiltà tad-Dipartiment ta’ l-Informazzjoni, hija maħsuba bħala l-punt minn fejn wieħed isib is-servizzi elettroniċi kollha tal-Gvern u toffri wkoll firxa wiesgħa ta' tagħrif.

• Il-website tad-Dipartiment ta’ l-Informazzjoni: tagħrif ġenerali fuq il-Gvern, stqarrijiet għall-istampa, il-Gazzetta tal-Gvern u dokumenti oħra online, opportunitajiet għal impjieg fis-settur pubbliku, sejħiet pubbliċi għal tenders u informazzjoni oħra.

• Quality Service Charters: kun af aktar dwar l-inizjattiva tal-Quality Service Charters u ara t-test sħiħ taċ-Charters li ġew ippubblikati s’issa.

• Il-website tal-Management and Personnel Office: tagħrif u dokumentazzjoni dwar il-human resource management fis-Servizz Pubbliku, inkluż it-test kollu tal-Public Service Management Code.

Tagħrif dwar servizzi speċifiċi ta’ l-OPM

• Abbonament fil-Gazzetta tal-Gvern: tista’ tirċievi l-Gazzetta tal-Gvern bil-posta.

• Bejgħ ta’ pubblikazzjonijiet: tista’ tixtri kwalunkwe pubblikazzjoni tal-Gvern mingħand id-Dipartiment ta’ l-Informazzjoni.

• Bejgħ ta’ ritratti: tista’ tixtri reprints ta’ ritratti ta’ avvenimenti uffiċjali, ċelebrazzjonijiet nazzjonali, u aspetti marbutin mal-wirt nazzjonali mill-għażla wiesgħa ta’ ritratti li għandu d-Dipartiment ta’ l-Informazzjoni.

• Reġistrazzjoni f’termini ta’ l-Att dwar l-Istampa: kulmin jagħmel ix-xogħol ta’ editur jew ta’ pubblikatur ta’ gazzetta jew ta’ editur ta’ servizz ta’ xandir hu marbut bil-liġi li jirreġistra mad-Dipartiment ta’ l-Informazzjoni.

• Unuri u għotjiet: kull sena l-President jagħti unuri u dekorazzjonijiet speċjali lil persuni li jkunu ddistingwew irwieħhom fis-servizz li taw lil Malta. Tista’ ssir taf iżjed dwar dawn l-unuri u għotjiet u tniżżel formola biex tinnomina individwu għal xi unur.

Servizzi interattivi u servizzi li bihom wieħed jista’ jinqeda permezz ta’ l-Internet

• Direct mailing services mingħand id-Dipartiment ta' l-Informazzjoni: tista' tirċievi avviżi mingħand id-Dipartiment ta' l-Informazzjoni (opportunitajiet għal impjieg, scholarships, sejħiet pubbliċi għal tenders u stqarrijiet għall-istampa fost oħrajn) direttament bl-e-mail.

• Servizz.gov.mt: din il-faċilità tippermettilek li tibgħat domandi, suġġerimenti jew ilmenti elettronikament lil entitajiet pubbliċi. Ic-Charter Support Unit jara liema entità għandha l-kompitu li twieġbek u tgħaddilha l-messaġġ tieghek. Għandek garanzija li tirċievi risposta, u tista' wkoll issegwi xi progress ikun sar fuq il-każ tiegħek permezz tas-sistema.

• Ir-Recruitment Portal tas-Servizz Pubbliku: Persuni jistgħu jaraw Ċirkularijiet u Avviżi biex jintlew vakanzi fis-Servizz Pubbliku, u japplikaw għal-dawn il-postijijet on-line. L-applikanti jkunu meħtieġa jimlew il-profile tagħhom fuq dan is-sit, u dan iservi bħala l-applikazzjoni on-line tagħhom. Ċertifikati ta’ kwalifiċi li jista’ jkollhom l-applikanti jistgħu jew jintbagħtu bħala attachments mal-profile, jew jintbagħtu lid-dipartimenti rispettivi bil-posta.

• Software li jissapportja l-lingwa Maltija: il-Unicode fonts (fonts normali imma b’għażla ikbar ta’ ittri, inkluż dawk Maltin) saru l-istandard ġdid dinji. Tista’ tniżżel dan il-programm li permezz tiegħu tkun tista’ tittajpja l-ittri Maltin bil-Unicode fonts.

Kummenti, ilmenti, suġġerimenti

Nilqgħu bi pjaċir kull kumment, suġġeriment jew ilment li tixtieq tagħmel dwar is-servizzi li jipprovdu d-dipartimenti u l-uffiċċji fi ħdan l-Uffiċċju tal-Prim Ministru. Jekk jogħġbok ikkuntattjana.