Il-funzjoni ewlenija tad-Direttorat għas-Servizzi Korporattivi hi li jipprovdi servizzi ta' appoġġ lid-dipartimenti u t-taqsimiet ta' l-Uffiċċju tal-Prim Ministru, b'mod partikulari fl-oqsma ta'l-ippjanar u l-management finanzjarju, il-management tar-riżorsi umani, l-informatika, il-customer care, u servizzi oħra. Id-Direttorat hu maqsum f'dawn il-friegħi:

• Finanzi u Amministrazzjoni
• Riżorsi Umani
• Office Management
• Registry

Finanzi u Amministrazzjoni

Ir-responsabbiltajiet ewlenin tal-fergħa tal-Finanzi u Amministrazzjoni huma business planning, budgeting u kontroll finanzjarju, ix-xiri ta' oġġetti u servizzi, u accounting. Il-Fergħa għandha wkoll ir-responsabilta'  li tinnegozja żewġ kuntratti ewlenin li l-Uffiċċju tal-Prim Ministru jagħmel mal-MITTS, wieħed għall-provediment ta' inftrastruttura teknika u l-ieħor għal software applications. Din il-fergħa titmexxa mis-Sur Carmel Vella, Assistent Direttur.

Riżorsi Umani

Il-Fergħa tar-Riżorsi Umani hi responsabbli għal dak kollu li għandu x'jaqsam ma' l-istaff, bħalma huma l-kundizzjonijiet tax-xogħol, ħatriet u promozzjonijiet, assistenza u performance management, taħriġ u dixxiplina. Il-Fergħa hi wkoll responsabbli mill-amministrazzjoni tal-pagi, is-sahra u l-ħlas ta' premiums. Il-Fergħa hi mmexxija minn Assistent Direttur, is-Sur Mario Zammit.

Office Management

Il-Fergħa ta' l-Office Management, li hi mmexxija mis-sur Tony Savona, Assistent Direttur, hi l-aktar responsabbli mill-manutenzjoni u t-tisbiħ tal-bini li jaqa' direttament taħt ir-responsabilta'  ta' l-Uffiċċju tal-Prim Ministru, jiġifieri l-Berġa ta' Kastilja, il-Palazz tal-Girgenti u Villa Francia. Il-Fergħa tikkoordina u tissorvelja proġetti kapitali u tamministra l-flotta tat-trasport ta' l-OPM.

Ir-Registry

Ir-Registry għandu ir-responsabbilta` li jżomm sistema ta’ filing għal kull korrispondenza, interna jew esterna, u għal dokumenti oħra. Ittri mibgħuta mill-pubbliku inġenerali jiġu ttimbrati bid-data ta’ meta jaslu u jintbagħat rikonoxximent ta’ kull korrispondenza. Ir-Registry jħaddem sistema kompjuterizzata biex tissorvelja ċ-ċaqliq tal-files fi ħdan l-OPM.