Il-Management Efficiency Unit (MEU) hija l-organizzazzjoni fi ħdan il-Gvern ta' Malta li tipprovdi servizzi ta' konsulenza maniġerjali. Hija mwaqqafa bħala entita` separata fi ħdan l-Uffiċċju tal-Prim Ministru. Ir-rwol prinċipali tagħha hu li tgħin lill-ministeri u d-dipartimenti fl-iżvilupp u l-implimentazzjoni ta' strateġiji effettivi ta' change management, bl-iskop li jwasslu għat-titjib fis-servizzi pubbliċi.

L-MEU kien involut f'firxa wiesgħa ta' proġetti li jvarjaw minn żvilupp ta’ leġislazzjonijiet ġodda sa ristrutturar ta’ organizzazzjonijiet. Fil-preżent il-Unit qed jgħin f’inizjattivi varji tal-Gvern li jinkludu l-ħolqien ta’ strateġiji maniġerjali, sistemi, strutturi u soluzzjonijiet biex jittejjeb l-għoti ta’ servizzi, effiċjenza fl-operat, użu aħjar tar-riżorsi eżistenti, u titjib fir-riżultati tal-flus minfuqa. Il-Unit qed jintalab ukoll jgħin biex jiġu indirizzati diversi sfidi speċifiċi fil-Ministeri.

Il-Unit huwa responsabbli wkoll biex jifformula u jikkordina l-Programm ta’ Riforma Nazzjonali għal Malta fi ħdan l-istrateġija ta’ Lisbona, l-uffiċċju għar-regolamentazzjoni aħjar, il-bidla għall-ewro fis-Settur Pubbliku wiesgħa (inklużi wkoll il-Kunsilli Lokali), u t-tmexxija tal-proġett Schengen.

Ikklikja hawn għal aktar informazzjoni dwar il-Management Efficiency Unit.