Office of the Prime Minister

Segretarju Permanenti fl-Uffiċċju tal-Prim Ministru (Operations)

Il-Berġa ta’ Kastilja, Valletta VLT 2000, Malta
Tel: (+356) 22 001 499 Fax: 22 001 497
E-mail: permsec.opm.operations@gov.mt

Is-Segretarju Permanenti fl-Uffiċċju tal-Prim Ministru (Operations) għandu r-responsabbilta’ li jiżgura li l-funzjonijiet Governattivi fi ħdan l-Uffiċċju tal-Prim Ministru li jaqgħu taħt ir-responsabbilta’ tiegħu huma mwettqa b’mod effettiv u effiċjenti. Hu jservi wkoll bħala konsulent tal-Prim Ministru u s-Segretarju Permanenti Ewlieni fuq materji li huma amministrati minn dawn l-Uffiċċji. L-irwol tiegħu għandu żewġ dimensjonijiet, dak internazzjonali kif ukoll nazzjonali.

Is-Segretarju Permanenti fl-Uffiċċju tal-Prim Ministru (Operations) għandu inter alia r-responsabbilta’ ta’ dawn li ġejjin:

        ·        id-Diviżjoni għall-Ko-ordinazzjoni ta’ l-Ippjanar u Prijoritajiet
·        id-Direttorat għall-Operat u Implimentzzjoni ta' Programmi
·        id-Direttorat għas-Servizzi Korporattivi
·        l-Information Management Unit
·       Relazzjonijiet mal-Commonwealth Association for Public Administration and
      Management (CAPAM)
·       l-iState Aid.

ritratt tas-Segretarju Permanenti, OPM (Policy) Is-Sur Paul Zahra
Segretarju Permanenti OPM (Operations)

Paul Zahra ngħaqad mas-Servizz Pubbliku fl-1984 fejn serva fid-Diviżjoni Ekonomika fi ħdan l-Uffiċċju tal-Prim Ministru. Bejn l-1989 u l-1992 hu kien l-assistent personali tas-Segretarju Ekonomiku u Chief Economics Officer fil-Ministeru tal-Finanzi. Fl-1993 ġie maħtur Kap fid-Diviżjoni tal-Politika Ekonomika u sussegwentament Direttur (Strateġija Ekonomika) u Direttur Ġenerali (Politika Ekonomika). Mill-2001 is-Sur Zahra serva bħala Segretarju Permanenti fil-Ministeru għas-Servizzi Ekonomiċi u l-Ministeru tal-Finanzi. Is-Sur Zahra huwa wkoll iċ-Chairman ta’ l-iState Aid Monitoring Board. Is-Sur Zahra ġie maħtur Segretarju Permanenti fl-Uffiċċju tal-Prim Ministru (Policy) f’Marzu ta’ l-2006 u ngħata t-titolu ġdid ta' Segretarju Permanenti fl-Uffiċċju tal-Prim Ministru (Operations) f'Ġunju 2008.

Segretarju Permanenti fl-Uffiċċju tal-Prim Ministru (Informazzjoni, Turiżmu u Żvilupp Sostenibbli)

Il-Berġa ta’ l-Italja, Valletta VLT 2000, Malta
Tel: (+356) 22 915 042 Fax: 22 915 069
E-mail: permsec.opm.itsd@gov.mt

Is-Segretarju Permanenti fl-Uffiċċju tal-Prim Ministru (Informazzjoni, Turiżmu u Żvilupp Sostenibbli) għandu r-responsabbiltà li jiżgura li d-Dipartimenti fi ħdan l-Uffiċċju tal-Prim Ministru li jaqgħu taħt ir-responsabbilta’ tiegħu jwettqu l-funzjonijiet assenjati lilhom b’mod effettiv u effiċjenti. Hu jservi wkoll ta’ konsulent tal-Prim Ministru u s-Segretarju Permanenti Ewlieni fuq materji li huma amministrati minn dawn l-Uffiċċji.

Is-Segretarju Permanenti ((Informazzjoni, Turiżmu u Żvilupp Sostenibbli) għandu l-għajnuna ta’ dawn id-dipartimenti u taqsimiet oħra fi ħdan l-Uffiċċju tal-Prim Ministru:

id-Dipartiment ta' l-Informazzjoni
l-Istamperija tal-Gvern
id-Dipartiment tal-Gvern Lokali
id-Dipartiment tat-Turiżmu
l-Ambjent
l-Awtorita` tat-Turiżmu ta' Malta
l-Awtorita` ta' Malta dwar l-Ambjent u l-Ippjanar (MEPA)
il-Malta-EU Steering and Action Committee (MEUSAC).

Is-Sur Peter Portelli
Segretarju Permanenti OPM (Informazzjoni, Turiżmu u Żvilupp Sostenibbli)
Permanent Secretary

Is-Sur Portelli ngħaqad mal-Ministeru tat-Turiżmu fl-1987. Bejn l-1990 u l-1993 huwa serva bħala Segretarju tal-Bord ta’ Diretturi ta’ l-Institute of Tourism Studies. F’Ottubru 1993, huwa ngħaqad mas-Segretarjat Privat tal-Prim Ministru. Bejn l-1997 u l-1998 serva fl-uffiċċju tas-Segretarju Permanenti fl-Uffiċċju tal-Prim Ministru, fejn serva wkoll bħala Segretarju tal-Forum tas-Segretarji Permanenti. Reġa’ ngħaqad mas-Segretarjat Privat tal-Prim Ministru fl-1998 bħala Communications Coordinator u s-sena ta’ wara nħatar Segretarju Privat tal-Prim Ministru. F’April 2004 inħatar Segretarju Privat tal-President. Inħatar Segretarju Permanenti (Turiżmu u Kultura) f’Diċembru 2004. Wara l-bidla ta’ l-Amministrazzjoni fl-2008, is-Sur Portelli nħatar Segretarju Permanenti, Uffiċċju tal-Prim Ministru (Informazzjoni, Turiżmu u Żvilupp Sostenibbli).