Id-Diviżjoni għall-Ko-ordinazzjoni ta' l-Ippjanar u l-Prijoritajet (qabel magħrufa bħala id-Direttorat għall-Politika Reġjonali) twaqqfet f'Marzu 2001 bħala parti mill-infrastruttura amministrattiva meħtieġa biex timmaniġġja l-fondi ta' qabel l-isħubija u ta' wara l-isħubija allokati lil Malta mill-Unjoni Ewropeja.

Illum, il-PPCD qed twettaq numru ta’ funzjonijiet prinċipali:

• Ko-Ordinatur Nazzjonali ta’ l-Għajnuna tal-Fondi ta’ Qabel l-Isħubija u tal-Faċilita’ ta’ Transizzjoni;

• Il-Punt Fokali Nazzjonali għal numru ta’ strumenti ta’ fondi bilaterali, inklużi l-Ħames Protokoll Finanzjarju ta’ bejn Malta u l-Italja, il-Mekkaniżmi Finanzjarji taż-ŻEE u tan-Norveġja, u l-Programm ta’ Ko-Operazzjoni ta’ bejn Malta u l-Isvizzera;

• Il-Koordinatur Nazzjonali għall-Programmi ta’ l-Interreg III (il-Programm ta’ l-Interreg IIIA Italja-Malta; il-Programmi ta’ l-Interreg IIIB Archimed u Medocc; il-Programm ta’ l-interreg IIIC għaż-Żona tan-Nofsinhar);

• L-Awtorita’ ta’ l-Immaniġġjar għall-Fondi Strutturali u għall-Fond ta’ Koeżjoni 2004-2006;

• Il-Ko-Ordinatur Ġenerali għall-ipprogrammar tal-Politika tal-Koeżjoni 2007-2013;

• L-Awtorita’ ta’ l-Immaniġġjar għaż-żewġ Programmi Operattivi 2007-2013: Programm Operattiv 1 – Il-Fond Ewropew għall-Iżvilupp Reġjonali u l-Fond ta’ Koeżjoni; Programm Operattiv 1 – Il-Fond Ewropew għall-Iżvilupp Reġjonali u l-Fond ta’ Koeżjoni; Programm Operattiv 2 – Il-Fond Soċjali Ewropew;

• Il-Punt Fokali Nazzjonali għall-erba’ Programmi ta’ Ko-Operazzjoni Territorjali 2007-2013.

Il-PPCD għandha l-għan li tiżgura l-assorbiment u l-immaniġġjar b’mod effiċċjenti ta’ l-assistenza mill-Ewropa, kemm ta’ l-UE kif ukoll dik bilaterali, permezz ta’ ko-ordinazzjoni effettiva tad-Dipartimenti kollha tal-Gvern, l-Awtoritajiet, l-Aġenziji u l-istakeholders kollha.

Minbarra l-provviżjoni tas-servizzji fuq imsemmija, il-PPCD tiżgura wkoll l-akbar trasparenza u informazzjoni fir-rigward tal-fondi li jaqgħu taħt ir-responsabbilta’ tagħha. Din il-funzjoni titwettaq permezz ta’ l-organizazzjoni ta’ sessjonijiet ta’ tahriġ, attivitatijiet ta’ l-informazzjoni u komumikazzjoni mal-media, ma’ dawk li jistgħu japplikaw għall-fondi u l-pubbliku ġenerali. Il-PPCD hija mgħammra wkoll b’helpdesk għall-posta elettronika: info.ppcd@gov.mt.

Tista' ssib iżjed informazzjoni hawnhekk dwar id-Direttorat għall-Ko-ordinazzjoni ta' l-Ippjanar u l-Prijoritajiet u hawnhekk dwar l-programmi ta' finanzjament li jamministra.

Direttorat għall-Affarijiet ta' l-Unjoni Ewropea

Programmi u Proġetti

13, Triq San Pawl, Valletta VLT 1210, Malta
Tel: (+356) 22 001 862 Fax: 22 001 141
E-mail: stephen.calleja@gov.mt

Id-Direttorat għal Programmi u Proġetti fi ħdan id-Diviżjoni għall-Ko-ordinazzjoni ta’ l-Ippjanar u l-Prijoritajiet huwa responsabbli sabiex jassigura li id-Divizjoni taqdi dawn il-funzjonijiet:

• Ko-ordinatur Nazzjonali għall-Assistenza mill-Fondi ta’ Pre-Adezjoni u l-Fondi ta’ Tranżizzjoni;

• Awtorita’ ta’ l-Immaniġġjar għall-Fond ta’ Koezjoni 2004-2006;

•  Ko-ordinatur Nazzjonali għall-Programmi Interreg III [Interreg III A Programm Italia-Malta; Interreg III B Programmi Archimed u Medocc; Interreg III C Programm Zona tan-Nofs-in Nhar);

• Ko-ordinatur Nazzjonali għall-Programmi ta’ Ko-opeazzjoni Territorjali 2007-2013;

• Ko-ordinatur Nazzjonali għall-Mekkaniżmi Finanzjarji taż-Żona Ekonomika Ewropea / Norvegja;

• Ko-ordinatur Nazzjonali għall-Programm ta’ Ko-operazzjoni Svizzera.

Id-Direttorat għandu wkoll il-funzjoni li jgħin lid-Diviżjoni għall-Ko-ordinazzjoni ta’ l-Ippjanar u l-Prijoritajiet fl-implimentazzjoni ta’:

• L-pjan ta’ kommunikazzjoni fir-rigward tal politika ta’ koeżjoni (2007–2013);

• Il-pjanijiet għall-evalwazzjoni tal-Programmi Operattivi ta’ Malta (2007–2013);

• L-istrateġija għat-taħrig ta’ dawk imsieħba fl-implimentazzjoni tal-Fondi Strutturali  2007–2013).