Il-Management Support Directorate huwa taqsima fi ħdan l-Uffiċċju tas-Segretarju Permanenti Ewlieni. Dan jipprovdi l-għajnuna neċessarja u jagħti pariri lis-Segretarju Permanenti Ewlieni fil-qadi tad-dmirijiet tiegħu bħala kap tas-Servizz Pubbliku.

L-Uffiċċju jikkoordina l-proċess ta’ għażla ta’ kandidati għal karigi għolja fis-Servizz Pubbliku u joffri wkoll appoġġ lis-Senior Appointments Advisory Committee li għandu bħala chairperson lis-Segretarju Permanenti Ewlieni. Il-Management Support Directorate jagħmel riċerka u jiġbor informazzjoni fuq suġġetti speċifiċi u, fost xogħol ieħor, jassisti lis-Segretarju Permanenti Ewlieni fl-iffinaliżżar tal-performance appraisal annwali tal-kapijiet tad-dipartimenti.

Id-Direttur (Management Support) hija responsabbli wkoll għas-segretarjat tas-Segretarju Permanenti Ewlieni filwaqt li tirrappreżentah u taħdem f’ismu skond kif jeħtieġ.