| Is-Segretarju Permanenti Ewlieni huwa l-kap tas-Servizz
Pubbliku. Huwa responsabbli għall-organizzazzjoni u t-tmexxija
tas-Servizz Pubbliku kollu kemm hu, b’mod partikulari tal-management
tar-riżorsi umani. Is-Segretarju Permanenti Ewlieni
għandu termini ta’ referenza li jolqtu d-dipartimenti kollha tal-Gvern.
Jaqdi wkoll funzjoni ta’ tmexxija f’inizjattivi ta’ bidla fis-Servizz
Pubbliku. Għan-nom tal-Prim Ministru jistabbilixxi miri għas-Segretarji
Permanenti l-oħra u jevalwa t-twettiq tal-ħidma tagħhom. Għandu
wkoll sehem importanti fl-għażla ta’ l-uffiċjali li jokkupaw l-ogħla
karigi tal-management fis-Servizz Pubbliku.
L-Uffiċċju tas-Segretarju Permanenti Ewlieni jipprovdilu appoġġ
amministrattiv u jagħtih pariri fuq policy. L-Uffiċċju tas-Segretarju Permanenti Ewlieni jinkludi l-Management Support Directorate.
Is-Segretarju
Permanenti Ewlieni huwa risponsabbli wkoll
mill-Forzi
Armati ta' Malta, mid-Direttorat
għall-Affarijiet tad-Difiża, mill-Management
and Personnel Office (MPO), mill-Management
Efficiency Unit (MEU) u
mill-Industrial Projects and
Services Ltd.
Dott. Godwin Grima
Segretarju Permanenti Ewlieni
Godwin Grima inħatar Nutar tal-Gvern fl-1979. Inħatar Direttur
(Reġistru ta’ l-Artijiet) fl-1993 u Direttur Ġenerali ta’ l-Artijiet
u r-Reġistru Pubbliku fl-1999. Dott. Grima laħaq Segretarju Permanenti
fil-Ministeru tal-Ġustizzja u l-Intern f’Jannar 2002 u Segretarju
Permanenti fl-Uffiċċju tal-Prim Ministru f’Ġunju 2004. Inħatar
Segretarju Permanenti Ewlieni f'Jannar 2005 u
Segretarju tal-Kabinett f'Jannar 2006. Dott. Grima
huwa wkoll Deputat Chairperson tal-Kunsill Malti għall-Iżvilupp Ekonomiku u Soċjali,
Deputat Chairperson tal-Malta Information Technology
Agency,
u membru tal-Kummissjoni Nazzjonali għall-Familja fuq
bażi personali.
|
|
|
IS-SEGRETARJAT