Il-Prim Ministru ta’ Malta huwa l-kap tal-Gvern b’risponsabbiltà ġenerali għall-amministrazzjoni tal-pajjiż. Dan joħroġ mill-Kostituzzjoni, li titlob li l-President jimxi fuq il-parir tal-Prim Ministru meta jaħtar il-ministri u jqassmilhom ir-risponsabbiltajiet tagħhom, u li tagħti s-setgħa lill-Prim Ministru li jidderieġi x-xogħol tal-Kabinett.

Apparti l-funzjoni tiegħu bħala kap tal-Gvern, Il-Prim Ministru huwa ministru bir-risponsabbiltajiet partikolari tiegħu. Tista’ ssib iżjed tagħrif fuq ir-risponsabbiltajiet ministerjali tal-Prim Ministru hawnhekk.

Is-Segretarjat Privat tal-Prim Ministru jipprovdi kull għajnuna u appoġġ lill-Prim Ministru fil-qadi ta’ dawn id-doveri impenjattivi. Is-Segretarjat jieħu ħsieb kull aspett tar-relazzjonijiet pubbliċi u l-customer service tal-Prim Ministru.