Nixtiequ nirringrazzjawk talli żort il-website ta’ l-Uffiċċju tal-Prim Ministru. Aħna mpenjati li nħarsu l-privatezza ta’ min iżurna u ma niġbru ebda informazzjoni personali dwarek sakemm ma tagħtihilniex minn jeddek. Kwalunkwe informazzjoni personali li tgħarrafna biha tinżamm fi ħdan il-Malta Government Network (gov.mt) innifsu, skond l-Att dwar il-Protezzjoni u l-Privatezza tad-Data 2001.

L-Att dwar il-Protezzjoni u l-Privatezza tad-Data 2001 għadda fl-14 ta’ Diċembru 2001 u beda jseħħ fil-15 ta’ Lulju 2003. Għalekk nimxu mad-dmir legali li nirrispettaw u nipproteġu kull informazzjoni personali li niġbru mingħandek. Nieħdu l-miżuri kollha neċessarji biex nipprevjenu aċċess mhux awtorizzat u ma ngħaddux id-dettalji miġbura mingħandek bħala viżitatur lil terzi persuni jew lil dipartimenti tal-Gvern ħlief kif spjegat iżjed l-isfel jew sakemm ma tagħtiniex il-kunsens tiegħek.

Jekk taqra jew tniżżel informazzjoni mis-sit tagħna, aħna awtomatikament niġbru u naħżnu l-informazzjoni li ġejja, li mhijiex personali:

• il-webpage jew id-download mitluba;

• jekk it-talba rnexxietx jew le;

• id-data u l-ħin meta int dħalt fis-sit;

• l-indirizz tal-website li minnu żort is-sit tagħna jew id-domain name tal-kompjuter li kont qed tuża;

• is-sistema ta' operazzjoni li biha jaħdem il-kompjuter tiegħek u t-tip u l-verżjoni tal-web browser tiegħek.

Din l-informazzjoni la tingħata, la tinkera u lanqas tinbiegħ lil xi organizzazzjoni oħra.

Informazzjoni personali

Meta timla l-formola fil-paġna "Ikkuntattjana" jew tibgħat e-mail lil , aħna nużaw l-informazzjoni personali li tibgħatilna biss biex inwieġbuk u biex nagħtuk servizz. Għal dan il-għan jista’ jkun hemm bżonn li ngħaddu l-messaġġ tiegħek lil xi ministeru, dipartiment jew entità oħra tal-Gvern. Sabiex nikkontrollaw il-kwalità tas-servizz li qed nipprovdu aħna nżommu rekord tal-messaġġi li nirċievu u ta’ l-azzjoni li nieħdu. Tista’ titlob aċċess għal kull informazzjoni li għandna dwarek u li għandha x’taqsam mal-messaġġ tiegħek u għandek id-dritt li tikkoreġi jew tħassar żbalji fejn ikun applikabbli.

Links għal websites oħrajn

Fis-sit tagħna tista’ ssib links għall-websites ta’ organizzazzjonijiet u aġenziji oħrajn lokali u internazzjonali, inkluż organizzazzjonijiet privati. Importanti li tinnota li malli tidħol f’link ma’ sit differenti, inti m'għadekx fis-sit tagħna u tibda tgħodd għalik il-politika dwar il-privatezza tas-sit il-ġdid.

Cookies

Il-Malta Government Network jikkreja "cookies" biex jindikaw lill-web server liema viżitatur qed jitlob liema paġna. Dawn il-cookies jaħżnu informazzjoni li hi mibgħuta lill-browser tiegħek – flimkien ma' web page – meta inti żżur il-website tagħna. Il-browser tiegħek jirritorna l-informazzjoni tal-cookie biss lid-dominju li minnu oriġina l-cookie, jiġifieri gov.mt. Ebda website ieħor ma jista' jitlob din l-informazzjoni. Meta inti terġa’ tidħol fil-website tagħna, il-cookie jerġa' jintbagħat lill-web server flimkien mat-talba l-ġdida tiegħek.