Messaġġi ji jirrigwardaw lill-Uffiċċju tal-Prim Ministru 

Jekk tibgħatilna xi kumment, suġġeriment, ilment jew mistoqsija li tittratta dwar din il-website, jew dwar kwalunkwe dipartiment jew uffiċċju fi ħdan l-Uffiċċju tal-Prim Ministru, aħna nagħtuk tweġiba jew ta’ l-anqas acknowledgement fi żmien jumejn (Sibtijiet, Ħdud u btajjel mhux inkużi).

Jekk it-tweġiba li nagħtuk ma tkunx finali, aħna nibqgħu insegwu l-ilment jew il-mistoqsija tiegħek u nagħtuk tweġiba finali fi żmien għaxart ijiem (Sibtijiet, Ħdud u btajjel mhux inkużi).

Messaġġi li għandhom x'jaqsmu ma' ministeri oħra

Jekk il-messaġġ tiegħek jirrigwarda dipartiment tal-Gvern jew entità pubblika li ma taqax direttament taħt l-Uffiċċju tal-Prim Ministru, aħna ngħidulek fejn għandek tirreferi l-każ tiegħek jew inkella, jekk ikun possibbli, ngħaddu l-messaġġ tiegħek direttament għand l-entità u ninfurmawk b’dan. Jekk inti tlabt xi tagħrif li faċli jinkiseb minn sors uffiċjali (speċjalment minn xi website tal-Gvern), aħna ngħidulek fejn tista’ ssibu. 

Anki f’każijiet bħal dawn nagħtu tweġiba fi żmien jumejn.

Fejn nistgħu ma nwieġbux 

Aħna ma nintrabtux li nwieġbu messaġġi li:

• mhumiex indirizzati speċifikament lilna (partikolarment spam jew junk mail);

• ma jinftehmux jew ma jidhirx skop għalfejn intbagħtu; jew

• m’għandhomx x’jaqsmu max-xogħol ta’ l-Uffiċċju tal-Prim Ministru jew tal-Gvern ta’ Malta. 

Kif nużaw l-informazzjoni personali li tintbagħtilna 

Nużaw l-informazzjoni personali li tibgħatilna skond kif speċifikat fil-paġna dwar is-segretezza personali.