Ġieħ ir-Repubblika hija xirka ta’ ġieh magħmula minn imseħbin u mseħbin onorarji ta’ meritu eċċezzjonali f’servizz lejn Malta jew lejn l-umanità. Il-motto tax-Xirka huwa “Għall-Ġid tal-Maltin”.

Ċittadini Maltin biss jistgħu jiġu maħtura bħala mseħbin tax-Xirka, iżda ċittadini distinti ta’ pajjiżi oħrajn jistgħu jinħatru bħala mseħbin onorarji tax-Xirka. Minbarra l-imseħbin onorarji, in-numru ta’ mseħbin ġodda tax-Xirka ma jistax ikun iżjed minn tlieta kull sentejn, u l-għadd ta’ l-imseħbin huwa limitat għal għoxrin. Meta dan in-numru jintlaħaq, il-ħatriet jistgħu jsiru biss meta tinħoloq vakanza.

Imseħbin jew imseħbin onorarji tax-Xirka huma ntitolati skond il-Liġi li jġibu l-ittri S.Ġ. (Sieħeb il-Ġieħ) wara isimhom.

• Imseħbin u mseħbin onorarji fix-Xirka Gieħ ir-Repubblika